• आइतबार-११-५-२०७५/ 17-Sunday-2019
  • 01:50:59

ताजा खबर

बन्गाडकुपिण्डे नगरपालिकाका निति तथा कार्यक्रम कस्ता छन् ?


सल्यान १९, मंसिर ।
सल्यानको बन्गाडकुपिण्डे नगरपालिकाले नगरसभाबाट पारित निति तथा कार्यक्रममा जनतालाई प्रत्यक्ष फाईदा पुग्ने र जनतासँग प्रत्यक्ष रुपमा जोडिएका कार्यक्रम रहेको जनाएको छ । नगरप्रमुख गोबिन्द कुमार पुनले नगरसभाबाट पारित कार्यक्रमले नगरलाई समृद्ध बनाउने मद्धत पुग्ने बिस्वास ब्यक्त गर्नुभयो । नगरपालिकाले एक घर एक करेसावारीलाई अनिबार्य बनाएको छ ।

नगर क्षेत्रभित्र विषादीमुक्त तरकारी तथा फलफूल खेतीलाई प्रोत्साहित गर्नका साथै दुधजन्य र मासुजन्य उत्पादनलाई व्यवसायीकरण गर्नका लागि उत्पादनकर्ता कृषकलाई राजश्वमा १० प्रतिशत छुट गरिने पनि उल्लेख छ ।


ऐतिहाँसिक, पुरातात्वीक, सास्कृतिक सम्पदाहरुको लगत अध्यावधिक राखिने भएको छ । पर्यटकिय क्षेत्र कुपिण्डे ताललाई व्यवस्थित गर्न डिपिआर निर्माण गरिने निति तथा कार्यक्रममा समावेश गरिने छ । ताल संरक्षणका लागी भौतिक पूर्वाधारको निर्माण गरिनुका साथै विभिन्न सञ्चार माध्यमबाट राष्ट्रिय तथा अन्तराष्ट्रिय जगतमा प्रचार प्रसार गरिने भएको छ । शून्य प्रविधिमा संचालनमा रहेका घरेलु उद्योग जस्तै घरेलु हातहतियार, माटोका भाँडा, खेलौना, मूर्ति, डोरी, मुढा, ढाँका कपडा वुनाई, सिलाईकटाई, अचार, सेलरोटी आदिमा राजश्व छुट दिने व्यवस्था गरिएको छ ।


यस नगरपालिकाले सार्बजनिक गरेको कार्यक्रममा बालबालिकाकालाई छात्रबृत्तिको ब्यबस्था गर्ने पनि उल्लेख गरिएको छ । कार्यक्रममा जोखिममा परेका वा आर्थिक अवस्था कमजोर भएका जेहेन्दार वालवालिकाहरुलाई छात्रबृत्तिको व्यवस्था गरिने भएको छ । नगरका प्रत्येक बिद्यालयमा समय सापेक्ष वैज्ञानिक तथा प्राविधिक शिक्षा प्रणाली विकास गरीने छ । यस्तै सामुदायिक तथा निजी विद्यालयहरुको स्कूल ड्रेस तथा शुल्कमा एक रुपता ल्याइने निति तथा कार्यक्रममा समाबेश गरिएको छ ।


नगरपालिकाको निति तथा कार्यक्रममा जेष्ठनागरिकलाई घरदैलोमा नै गएर निशुल्क रुपा स्वास्थ्य सेवा प्रदान गरिने उल्लेख गरिएको छ । नगरका ७५ वर्ष उमेर पुगेका जेष्ठ नागरिकहरुलाई घरदैलामा नै गएर निशुल्क स्वास्थ सेवा उपलव्ध गराउने उल्लेख गरिएको हो । यस्तै नगरभित्र ब्लड बैँकको पनि स्थापना गरिने छ । नगरपालिकाले आव ०७५÷०७६ को कुल ४७ करोड ६७ लाख ४ हजार रुपैँया बराबरको वजेट सार्वजनिक गरेको छ ।

 

प्रतिकृया दिनुहोस

सिद्धकुमाखमा महिलाहरुलाई आयआर्जनमुलक तालिम प्रदान गरिदैँ

बुद्धि पुन, रेडियो राप्ती सल्यान ५, माघ । सल्यानको सिद्धकुमाख गाउपालिकाले महिलाहरुलाई आयआर्जन मुलक कामहरुमा लाग्न प्रेरित गर्न थालेको छ । महिलालाई

बिहेको निम्तो दिन जाँदा हतौडाले हानेर हत्या गर्ने पक्राउ

रेडियो राप्ती, समाचार डेस्क सल्यान ४, माघ । सल्यानमा बिहेको निम्तो दिन गएका एक ब्यक्तिको मृत्यू भएको छ । जिल्लाको सिद्धकुमाख गाउपालिका वडा नम्बर २

सल्यानमा अबैध घरेलु मदिरा बरामद पछि नष्ट

रेडियो राप्ती, समाचार डेस्क सल्यान २८, पुस । सल्यान प्रहरीले शनीबार अबैध घरेदु मदिरा नष्ट गरेको छ । बिभिन्न समयमा जिल्लाको शारदा नगरपालिका वडा नम्बर १,