सल्यान पश्चिम क्षेत्रका महिलामा उच्च डिप्रेसनको समस्या

दुर्गा बिसी, रेडियो राप्ती
सल्यान १, पुस ।
सल्यानको पश्चिम क्षेत्रका महिलाहरुमा डिपे्रसनको उच्च जोखिम देखिएको छ । घरायसी झगडा, पारिवारिक कलह र वित्तिय संस्थाहरुबाट लिएको ऋणका कारण वढि तनावमा हुदाँ उनिहरुमा डिप्रेसण वढेको हो । वित्तिय संस्थाहरुमा आफुअनुकुल लिएको ऋणको किस्ता तिर्ने कुराले समस्या निम्त्याएको हो । किस्ता तिर्नको लागि कतिका घरमा परिवारमा झगडाको रुप लिइको समेत पाईएको छ ।

कति महिलाहरुले आफु अनुकल ऋण लिएको र त्यो ऋण परिवारले तिर्न नमान्दा ग्राहो भएको छ । स्वास्थ्य चौकि देवस्थलमा मात्रै मानसिक समस्या, छारे, मानसिक असन्तुलन, चिन्ता, दिकदारीपना लगाएतका कारण १ सय १९ जनामा यो समस्या उत्पन्न भई औषधी सेवन गरिरहेका छन् । अधिकांस महिलाहरुमा डिप्रसेन हुनमा मुख्य कारण पारिवारिक समस्या भएको स्वास्थ्य चौकि देवस्थलकि अनमी लालीका चौधरिले बताउनुभयो ।

उहाँका अनुसार डिप्रेसन रोग वढि महिलाहरुमा वढ्दै पनि गएको वताउनु भयो । २० देखि ४० वर्ष उम्मेर समुहका महिलामा यो समस्या वढि देखिएको छ । मानसिक समस्या भएका विरामीले सुधार भएमा २२ महिना र सुधार हुन नसकेमा वढिमा ५ वर्ष देखि ६ वर्ष सम्म औषधी सेवन गर्नु पर्छ । विशेष रुपले वढि सोच्ने, घरायसी झैझगडाका कारणले यो समस्या निम्तीएको चौधरीको दाबी छ ।

सल्यानको पश्चिम क्षेत्रका अन्य स्वास्थ्य चौकिहरुमा पनि डिप्रसनको औषधी खानेहरुको संख्यामा बढ्दै गएको छ । परिवारमा मेलमिलाप, मायाप्रेम, आपसिसल्लाह, सदभाव र मनोरञ्जनात्मक कुराहरुको आबश्यकता पुरा गर्नसके डिप्रेसनका बिरामीहरु कम हुदैँ जाने बताईन्छ ।