सल्यानका एक जनप्रतिनिधि : वडाअध्यक्ष कि सरकारी जागिर ?

बुद्धि पुन, समाचार डेस्क,
सल्यान ३ असोज ।
सल्यानका एक जनप्रतिनिधिले सरकारी कोटामा नाम निकाल्न भएको छ । जिल्लाको सिद्धकुमाख गाउपालिका वडा नम्बर ४ का वडाअध्यक्ष दिनेश कुमार बिएमले प्राथामिक तहको खुल्ला कोटामा मुस्ताङबाट नाम निकाल्नु भएको हो ।

२०७४ सालमा भएको स्थानिय तहको निर्बाचनमा नेपाली काँग्रेसबाट उम्मेदवारी दिएर निर्बाचित हुनु भएको वडाअध्यक्ष बिएमले गत बर्षको असोज महिनामा शिक्षक सेवा आयोग मार्फत प्राथामिक तहको लागी परिक्षा दिनुभएको थियो । हालै सार्वजनिक भएको नतिजामा उहाँ सफल भएपछि वडाअध्यक्ष बिएमको अबको यात्रा कता भनेर सबैले चासोका साथ हेरेका छन् ।

अझ सोचक बिषय त के छ भने उहाँ वडाअध्यक्षमा निर्बाचत गोलाप्रथाद्धारा हुनु भएको थियो । तत्किालिन नेकपा एमालेका उम्मेदवार देबेन्द्र रोका र वडाअध्यक्ष बिएमले समान ३ सय २१ मत प्राप्त गर्नु भएको थियो । पछि दुबै जनाको सहमतिमा गोलाप्रथा गर्दा बिएम बिजयी हुनुभएको थियो ।

यसरी हेर्दा अब करिब २ बर्ष वडाअध्यक्ष भएर काम गर्ने की सरकारी जागिर खाएर मुस्ताङ जाने भन्ने बिषयमा समस्या देखिएको छ । रेडियो राप्ती संग कुराकानी गर्दै वडाअध्यक्ष बिएमले यस बिषयमा आफुले सोच्न बाँकी रहेको बताउनुभएको छ ।

म अहिले २८ बर्षको भए, मैले अहिले वडाअध्यक्षको रुपमा काम गरिरहेको छु, तर हालै सार्वजनिक भएको शिक्षक सेवा आयोगको परिक्षामा प्राबि तहमा खुल्लाबाट स्थायीमा नाम निक्लिएको छ उहाँले भन्नुभयो अब के गर्ने भनेर सोचिरहेको छु । पारिवारिक सल्लाह र ब्यक्तिगत निर्णयबाट नै आगामी दिशा निर्दिष्ट हुने उहाँको भनाई छ ।